Сениорите победија на контролката против МЗТ Скопје

МЗТ Скопје загуби во пријателската пресметка против сениорската репрезентација со резултат од 82:94. Во средбата која се одигра во СЦ „Јане Сандански“, МЗТ настапи без седум првотимци, но, и покрај недостатокот одигра квалитетен натпревар во кој пружи силен отпор.

Дамјан Стојановки, Андреј Магдевски, Љубомир Младеновки и Дарко Соколов одиграа по еден полувреме за двете екипи, додека во составот на Ѓорѓи Кочов не беа ниту повредените Марко Симоновски и Иве Иванов.
Првото полувреме припадна на националниот состав, во кој доминираа со резултат од 55:34, додека во останатите два периоди „штрковите“ успеаја да ја намалат негативата.

Андрија Бојиќ беше убедливо најдобар во со 23 поени и девет скока, Лестер Медфорд реализираше 23, а Џејмс Вудард 12 поени. Стојан Ѓуроски со 16 поени беше најефикасен во репрезентацијата на Македонија, додека Љубомир Младеновски имаше ефект од 15 поени и седум скока.

- Оглас -

Најнови вести