Американката Микаела Шифрин го освои четвртото злато во низа во слалом, на Светското првенство во скијање. Во трката на која Шифрин на крајот се радуваше, на крајот имаше 58 стотинки подобро време од Ен Свед Ларсон од Шведска, додека Петра Вихова од Словачка заостана 1,03 секунди и го освои бронзениот медал.
Со оваа победа, Шифрин стана првата скијачка во историјата која успеала да освои четири светски злата во иста дисциплина. Од СП во Ареу, таа си заминува со три медали. Најдобра беше и во супервелеслаломот, а бронзениот медал го освои во велеслалом.
