Глазгов Ренџерс потешко од очекувањата се пласираше во четвртфиналето на Купот на Шкотска, откако пред своите навивачи со 3:2 славеше над екипа која не е дел од нивната лига, Патрик Тисли. Шкотскиот гигант до победата стигна со гол во 86 минута, но највозбудливите моменти се случуваа на 20-тина минути пред крајот.
Резултатот беше 1:1, а домашните фудбалери ја исфрлија топката за да се укаже помош на еден повреден фудбалер. Гостите изведоа аут и сакаа спортски да ја вратат на противникот, но тогаш младиот Малик Тилман направи неочекуван потег.
Тилман направи притисок на противничкиот играч, му ја одзема топката и тргна да постигне гол. Играчот на Ренџерс погоди за 2:1, што наиде на шестоки реакции од гостите. Тие објаснуваа дека тоа требало да биде ферплеј потег и топката да биде вратена, а Тилман тоа не го сфатил.
По неколкуминутна нервоза, тренерот на Ренџерс јасно им покажа на своите фудбалери дека треба да им дозволат на противниците да посгитнат гол за 2:2. Тоа и се случи, гостите тргнаа од центарот, домашните фудбалери останаа да стојат и дозволија веднаш резултатот да биде израмнет на 2:2.
До крајот на мечот, Ренџерс сепак стигна до победа и пласман во следното коло од Купот.
Stop what you're doing right now and watch this! 🤯
Malik Tillman gives Rangers the lead in controversial circumstances which infuriates the visitors 😠
Michael Beale then steps in and orders his side to allow Partick Thistle to score 👏🔵#ScottishCup | @ScottishCup pic.twitter.com/iUOtLalNGO
— Premier Sports (@PremSportsTV) February 12, 2023
