Вистински хаос се случи во Чемпионшип непосредно пред финалниот плејоф за пласман во Премиер лигаta, откако Саутемптон беше исфрлен од натпреварувањето пред решавачкиот меч на „Вембли“ против Хал сити.
Причината за драстичната казна е обвинението дека Светците шпионирале тренинзи на други екипи, нешто што според надлежните органи влијаело врз нивните резултати во плејофот.
Саутемптон претходно успеа да го елиминира Мидлзборо во полуфиналето со победа од 2-1 по продолженија, покажувајќи карактер и покрај огромниот притисок околу тимот.
Сепак, тоа не беше доволно за да го задржи местото во финалето. Англиските власти донесоа одлука Саутемптон да биде дисквалификуван, а неговото место во финалниот дуел да му припадне токму на Мидлзборо, кој претходно беше елиминиран.
Покрај исфрлањето од плејофот, Саутемптон ќе ја започне следната сезона во Чемпионшип со одземени четири бода, што претставува дополнителен тежок удар за клубот.
Така, финалето за место во Премиер лигата ќе го играат Мидзборо и Хал сити, а победникот ќе стане трет патник во елитното англиско друштво следната сезона.
