Францускиот интернационалец во редовите на Барселона, Самуел Умтити, наскоро може да ја заврши кариерата доколку се потврдат најцрните прогнози околу неговата повреда. Умтити има само 25 години, но често е повреден, а најмногу проблеми му прави коленото.
По последните лекарски контроли, најавено е дека Умтити треба да се врати на теренот на почетокот на следниот месец, но сепак постои една опција која е многу лоша за Французинот. Лекарите се плашат дека ‘рскавицата на коленото може да направи толку сериозни проблеми што би можело да значи и крај на неговата кариера.
Сличен проблем со ‘рскавицата имаше и легендарниот капитен на Барселона, Карлес Пујол, кој токму поради таква повреда ја заврши кариерата предвреме. Засега од Барселона не се огласија околу овој проблем со Умтити.