Душан Лајовиќ стигна до можеби најголемата победа во кариерата, откако успеа да слави против Новак Ѓоковиќ во меч кој траеше речиси два и пол часа, на турнирот во Бања Лука.
Уште на стартот на мечот Лајовиќ направи брејк кога стигна до предност од 3:1, а Ѓоковиќ успеа да се врати на 4:4, за да веднаш потоа Душан Лајовиќ успеа да направи рибрејк и да стигне до 5:4, а потоа да го освои гејмот на двој сервис за 6:4, во сетот кој траеше нешто повеќе од еден час.
Во вториот сет немаше брејкови. Двајцата тенисери ги добиваа гејмовите на свој сервис за 6:6 и тај-брејк. Во тај-брејкот ништо не делуваше дека Лајовиќ ќе победи затоа што Ѓоковиќ поведе со 4:1, потоа и со 6:3 што значи дека имаше три сет топки.
Сепак, Лајовиќ успеа да се врати, спаси три брејк топки во низа, а потоа освои и уште два поени за неверојатна победа од 7:5 во тај брејкот. За Лајовиќ ова е прва победа против еден тенисер кој е број 1 на АТП листата.
Српските тенисери досега претходно играле два пати, а Ѓоковиќ лесно победувал. Лајовиќ во претходните два меча против Ноле успеал да освои само четири гејма, па тој факт го прави уште поневеројатен овој негов триумф во Бања Лука.
