На 50-годишна возраст денеска почина фудбалскиот тренер Дашмир Беари, актуелен селектор на македонската репрезентација за играчи до 17 години.
Веста за неговата смрт на „Фејсбук“ ја објавија колеги и пријатели на починатиот, пишувајќи дека неговото ненадејно заминување во вечноста ги шокирало и ги растажило. Неофицијално, станува збор за смрт од срцев удар.
Беари беше екстренер на неколку македонски клубови (Ренова, Гостивар, Дрита, Влазерими), а работеше и како помошник-тренер во Ал-Раед, Саудиска Арабија. Ги имаше водено и У-15 и У-19 селекциите, а смртта го затекна како актуелен селектор на националниот тим за фудбалери до 17 години.
