Барнли го победи Шефилд јунајтед на пенали во меч од Лига купот на Англија, но успехот на домаќините остана во сенка на тешката повреда на Јохан Берг Гудмунсон во 15-тата минута.
Џек Робинсон стартуваше брутално врз Исланѓанецот, а за чудо не беше исклучен, ниту пак доби жолт картон. Гудмундсон заработи тешка повреда на потколеницата и беше изнесен од теренот на носилки.
Hvernig þetta er ekki rautt spjald er mér hulin ráðgáta. 😡😡😡 pic.twitter.com/MWSrMFSPRA
— Kristján Óli Sigurðsson (@kristjanoli) September 17, 2020
Во регуларниот дел од мечот заврши нерешено, 1:1, а стрелци беа Мек Голдрик за гостите и Видра за домаќините.
Потоа се изведуваа пенали, а во втората рунда во Лига купот на Англија се пласираше Барнли. Сите пет играчи на домаќините беа прецизни од белата точка, додека кај Шефилд јунајтед промаши Мек Бурни во втората серија и Барнли го доби дуелот на премиерлигашите во стартната рунда.
