Шукер навива за Црвена ѕвезда во ЛШ

Црвена ѕвезда вечерва на својот стадион во Белград ќе се обиде да направи изненадување против големиот фаворит Ливерпул, во меч од четвртото коло од Лигата на шампионите. Српскиот првак пред две недели на „Енфилд роуд“ загуби убедливо со 4-0, но вечерва очекува да одигра многу подобро.

Ѕвезда е единствениот тим од поранешните југословенски републики кој е во групната фаза од ЛШ. Токму затоа и легендарниот хрватски фудбалер, а сега претседател на тамошната фудбалска федерација, Давор Шукер, открива дека навива за „црвено-белите“ во ЛШ.

„Секако дека ја следам Лигата на шампиони и навивам за Црвена ѕвезда, бидејќи тоа е единствен клуб од регионов кој е дел од елитата. Нема сомнеж дека направија голем успех, бидејќи малку клубови од овој регион биле дел од ЛШ. Тука се Динамо, Партизан и Марибор, а сега и Ѕвезда. Тоа е голем клуб и заслужува да биде дел од ЛШ, а резултатите кои ги остварува не треба да се земат како зло. Не е срамота да се загуби од ПСЖ и Ливерпул и да се примат 10 гола. И Динамо примаше по 15 голови, а ни Партизан не се прослави. Навивачите треба да бидат среќни бидејќи самиот пласман во ЛШ е голема чест и привилегија“, вели Шукер во изјава за „Блиц“.

Како играч, Шукер беше ривал на Ѕвезда. Прво играше во дресот на Осијек, а потоа и во дерби-дуелите како играч на Динамо од Загреб во првенството на некогашна СФР Југославија.

 

 

 

 

- Оглас -

Најнови вести