Репрезентацијата на Гибралтар за играчи до 19 години постави неславен рекорд откако на три меча во квалификациите прими дури 43 гола. Во првото коло загуби со 14:0 од Австрија, потоа 13:0 од Ирска и денеска беше разнесена со 16:1 против Швајцарија.
Лорент Толај е играчот на мечот кој постигна осум погодоци. Тоа е напаѓач кој има потекло од Албанија, но игра за младата репрезентација на Швајцарија. Толај е играч кој настапува за тимот на Брајтон, а иако има само 18 години, сезонава веќе дебитираше и за У23 екипата на англискиот клуб.
Швајцарија со оваа победа заедно со Австрија се пласираа во елитната фаза од квалификациите за пласман на ЕП.