Домантас Сабонис, синот на прославениот литвански кошаркар Арвидас, игра одлично во дресот на Индијана во НБА-лигата. Токму 23-годишниот Сабонис беше најзаслужен за победата на Пејсерс против Денвер од 115:107. За разлика од татко му Арвидас, кој беше центар, Домантас игра како крилен центар, односно на позицијата четири.
Против Пејсерс, Сабонис беше незадржлив и на крајот успеа да оствари трипл-дабл со 22 поени, 15 скока и 10 асистенции. Интересно е што легендарниот Арвидас во НБА помина седум сезони во дресот на Портланд, но никогаш во 470 одиграни меча не успеа да оствари трипл-дабл, тоа што утрово му успеа на неговиот син.