Манчестер сити гостува кај Свонси во меч кој може да биде историски за англискиот фудбал. Граѓаните се големи фаворити против тимот од втората англиска лига, a победникот ќе се пласира во четвртфиналето на ФА купот.
Свонси е на третото место во Чемпионшип, но екипата е во одлична форма и во последните 10 средби има осум победи и само две нерешени. Популарните Лебеди последниот пораз го имаат на 16 декември минатата година, па дуелот со лидерот во Премиер лигата им е вистински тест за нивните квалитети.
Сити игра во феноменална форма. Граѓаните наредија 14 победи во низа, а последниот триумф беше убедлив, и тоа на „Енфилд роуд“ против Ливерпул со 4:1, со што само Сити ја потврди моќта. Со 14 победи по ред, Сити го израмни рекордот во историјата на англискиот фудбал што го држеа Престон од далечната 1892 година и Арсенал во 1987 година, кога победувале на 14 средби по ред.
14 – @ManCity have now equalled the all-time winning run by an English top-flight side across all competitions, winning each of their last 14 matches – the same number as Preston (ending in 1892) and Arsenal (ending in 1987). Stupendous. #LIVMCI pic.twitter.com/AjRx833bsO
— OptaJoe (@OptaJoe) February 7, 2021
Доколку Сити вечерва успее да победи на гостувањето кај Свонси, тоа ќе биде првиот англиски тим кој наредил 15 победи едно по друго.