Германската фудбалска легенда Бернд Шустер го предупредува Реал Мадрид дека главните играчи Винисиус и Килијан Мбапе не се компатибилни и советува едниот да биде продаден.
Шустер, кој од 1988 до 1990 играше за Реал, а во 2007/2008 беше и тренер на Кралскиот клуб, вели дека оваа ситуација го потсетува на онаа кога во тимот беа Луиш Фиго и Дејвид Бекам кои играа на иста позиција и тимот немаше никаква полза од тој тандем. Сега исто така ја нема потребната хемија и Реал страда.
„Она што го гледаме со Винисиус и Мбапе заедно на теренот многу ме потсетува на Фиго и Бекам. Тие не се поврзаа и еден од нив мораше да си замине. Сега тоа се случува во Реал Мадрид“, рече Шустер.
