Данецот Томас Франк за кого се врзани најголемите успеси на Брентфорд го продолжи договорот со популарните Пчели од Лондон до 2027 година.
Франк е тренерот што во прекланската сезона успеа да обезбеди промоција на клубот во Премиерлигата, по 9 неуспешни настапи во плејофот во Чемпионшип лигата.
✍ We're delighted to announce that Thomas Frank has signed a new contract through to the summer of 2027#BrentfordFC
— Brentford FC (@BrentfordFC) December 24, 2022
Неговата приказна во Брентфорд е интересна, бидејќи дојде во Лондон како помошен тренер во 2016 година.
Потоа доби задача да ги координира играчите од А и од Б тимот на Брентфорд, а неочекувано во 2018 година доби шанса да биде главен тренер на местото на Дин Смит.
Шансата ја искористи максимално и по еден неуспешен обид во плејофот за влез во Премиерлигата, тоа на Франк му успеа со Брентфорд преклани.
Данецот кој има 49 години и во Премиерлигата одлично кормилари со популарните Пчели.
Во првата сезона лесно успеа да избори опстанок, а и во оваа што е во тек во Англија, Брентфорд е во мирните води, на 10-то место.
