Драган Стојковиќ Пикси, селекторот на Србија, има одличен план да го ангажира големиот талент Лазар Самарџиќ да игра за Орлите на Мундијалот во Катар.
Самарџиќ има само 20 години и е соиграч на Илија Несторовски во Удинезе, а за него заинтересирани се гигантите Јувентус и Барселона.
Сега стана и приоритет на Србите, кои сакаат по секоја цена да го имаат талентираниот играч за врска во составот за Светското првенство во Катар.
Самарџиќ е роден во Берлин и играше за сите возрасни млади категории за германските репрезентации.
Беше и капитен на јуниорската селекција на Германија, но сега може да дојде до пресврт и да продолжи како А репрезентативец на Србија.
Стојковиќ сака да го има Самарџиќ во составот веќе во септември, за мечевите во Лигата на нациите, а потоа 20-годишниот фудбалер на Удинезе би патувал и за Катар, на Мундијалот што ќе се игра во ноември и декември.