Оле Гунар Солскјер уште на почетокот од тренерската кариера во Манчестер јунајтед влегува во легендите. Норвешкиот стратег направи феноменален пресврт во играта и резултатите на екипата. Откако Солскјер седна на менаџерското столче, Манчестер има четири победи по ред во првенството.
Ваков биланс, четири победи во првите четири меча како тренер во најтрофејниот англиски клуб успеал да има само еден менаџер претходно. Тоа му успеало единствено на легендарниот Мет Бизби, и тоа во далечната 1946 година. Тоа значи дека по повеќе од 72 години, Солскјер го повторува успехот на Бизби, кој 24 години остана на чело на тимот од „Олд Трафорд“.
Солскјер дефинитивно покажа дека феноменално влијае на играчите, а навивачите на Манчестер се радуваат што токму тој е предводник на екипата.
