Манчестер јунајтед повторно ги разочара своите навивачи и загуби на гостувањето кај Вест хем со 2:0. Екипата на Оле Гунар Солскјер само потврдува дека нема сила да се бори не само за шампионската титула, но и тешко дека може да биде во Топ 4.
Уште на почетокот на сезоната, Црвените ѓаволи беа очајни. Во првите четири кола освоија само пет бода, што на „Олд Трафорд“ се нема случено уште од сезоната 1992/93. Во минатото коло беше победен Лестер, но кога се очекуваше екипата да влезе во победнички ритам, денеска следуваше ново разочарување.
Одбраната на Манчестер е очајна. Ова беше 11 меч на гости во сите натпреварувања на кои Јунајтед не успева да ја сочува мрежата. Ако продолжи во ист лош ритам, овој тим може да го сруши негативниот рекорд од 2002 година, кога од април до декември, Манчестер на 14 гостувања по ред примаше барем по еден гол.
11 – Man Utd have failed to keep a clean sheet in any of their last 11 away matches in all competitions, their worst run since conceding in 14 consecutive matches between April and December 2002. Faucet. pic.twitter.com/td0NYv15sW
— OptaJoe (@OptaJoe) September 22, 2019