Словенечкиот прволигаш Горица со убедливи 4:0 ја победи Колубара, а пријателскиот меч сега е предмет на истрага за можна „местенка“. Горица по брза постапка сите четири гола ги постигна во првото полувреме, а сомнежот започна откако голем број обложувалници ги поништија коефициентите за овој дуел. На социјалните мрежи се шпекулира дека дури се појавила и порака која насочува да се одигра на уплата на голови, и тоа „Горица постигнува два или повеќе голови во првото полувреме“.
Интересно е дека Горица поведе со гол во третата минута, во осмата минута веќе беше 2:0, а по 14 минути игра резултатот беше 3:0 за словенечкиот клуб.
Околку целиот случај се огласи и првиот човек на професионални фудбалери во Србија, Мирко Поледица, кој е поранешен фудбалер. Тој повика Фудбалскиот сојуз на Србија (ФСС) да спроведе итна истрага за регуларноста на овој меч.
На снимката која Поледица ја сподели на личниот твитер-профил, тој покажува и два од четирите гола на Горица на кои голманот на Колубара и одбраната на овој тим делуваа аматерски.
Kolubara – Gorica 0:4, sva četiri gola postignuta u prvom poluvremenu.
Pozivam javno @FSSrbije da odmah izvrši proveru regularnosti navedene utakmice a policiju da izvrši proveru, da li je bilo sumnjivih uplata na ovu utakmicu. pic.twitter.com/RUxDIrr2Zw
— Mirko Poledica (@MirkoPoledica78) January 27, 2023
