Голден стејт во драматичен меч на свој терен славеше против Мемфис со 122:120, а најсреќен на крајот треба да биде Стеф Кари. Првата ѕвезда на Голден стејт во клучните моменти направи глупост и беше исклучен на 74 секунди пред крајот.
Домаќините водеа со 116:114, а Кари, кој со враќање во одбрана, од устата го извади штитникот (заштитната гума за забите) кој го носи и нервозно го фрли. Ова го забележаа судиите, кои го стопираа мечот и Кари доби исклучување.
Steph was ejected after throwing his mouthguard. pic.twitter.com/Q5INk7P841
— SportsCenter (@SportsCenter) January 26, 2023
За Кари ова е трето исклучување во неговата 14-годишна НБА-кариера и секопат тоа било поради истиот испад, а тоа е фрлање на штитникот за уста. За среќа на Кари, неговите соиграчи успеаја да ја сочуваат предноста од два поени и на крајот се радуваа на победа од 122:120.