Од судиската комисија во шпанското првенство уверуваат дека офсајдот кој беше досуден на дуелот Реал Соседад – Барселона, кога беше поништен погодок на Роберт Левандовски, е исправна одлука. Левандовски погоди, што ќе беше водство за Барселона од 1:0, но ВАР-системот одлучи дека имало офсајд, и тоа само од некој милиметар, односно со шпицот на копачката што ја носи Левандовски.
Веднаш потоа започнаа претпоставки дека може да се работи за грешка на ВАР-системот, но од судиската комисија уверуваат дека нема ништо спорно.
Тие наведуваат дека немало погрешно толкување ниту, пак, преку компјутер виделе размена на идентитети помеѓу Агуердо и Левандовски бидејќи врвот на офсајд ногата се тврдеше дека е на Агуердо.
Во извештајот се наведува и дека ситуацијата била прегледана со десет дополнителни камери, покрај оние од аудиовизуелната продукција, за да се потврди дека системот е исправен и дека применетата технологија предвидува милиметарски заден дел и следење на горниот дел од копачката.
Системот Hawk-Eye снима 29 агли на фудбалери до 50 пати во секунда за да ја пресмета нивната точна позиција на теренот. Благодарение на оваа технологија се намалува времето за утврдување дали има офсајд или не. Просекот обично е 25 секунди, иако може да биде и подолг, вакво е објаснувањето од судиската организација.
Во немоќ дека нешто може да се смени, капитенот на Барселона, Рафиња, реши преку социјалните мрежи да се шегува за офсајдот, па постираше фотографија на која покажува дека Левандовски е виновен за офсајдот затоа што имал многу поголеми стопала од противникот.
