Барселона направи комплетен пресврт на гостувањето на „Аноета“ против Реал Сосиедад, откако во првиот дел се најдоа во негатива од 1-0. Головите на Луиз Суарез и Усман Дембеле во 63-тата, односно 66-тата минута ги спасија „каталонците“ и со цел плен си заминаа од тешкото гостување.
Барселона по четири натпревари во шпанскиот шампионат има исто толку победи, додека за Сосиедад ова е втор пораз во почетните кола во првенството.
