Тампа беј лајтнинг го доби мечот против Бафало сејберс со 5-4 во борбата за првото место на Истокот. „Грмотевиците“ го забележаа вкупно 18-тиот триумф и воедно ѝ ставија крај на серијата од 10 победи на Бафало, од кои шест ги забележаа во дополнителен период.
Воведната третина донесе и најмногу голови. Само по 16 минути игра, Тампа беј стигна до предност од 3-2, а за новиот триумф мораа доста да се намачат, бидејќи гостите кон почетокот на одлучувачкиот период поведоа за 4-3. Меѓутоа, водството на Бафало не траеше долго, Стамкос за брзо израмни, а Пакете на шест минути до крајот го постави конечниот резултат.
Бостон бруинс по пенал-рулетот, го совлада тимот на Њујорк ајлендерс. Откако по регуларниот дел резултатот беше 1-1, средбата го чекаше својот победник во дополнителниот период. Мрежите мируваа, па остана да се изведуваат пенали, по кои прецизен беше само Рајан Донати. Њујорк не реализираше ниту еден пенал од четирите обиди, а токму Донати во четвртата серија ја донесе 14-тата победа за тимот на Бостон.
Резулати НХЛ:
Бостон бруинс – Њујорк ајлендерс 1-1 (1-0 на пенали)
Колумбус блу џекетс – Минесота вајлд 4-2
Отава сенаторс – Њујорк ренџерс 3-0
Тампа беј лајтнинг – Бафало сејберс 5-4
Нешвил предаторс – Аризона којотс 0-3
Винипег џетс – Чикаго блекхокс 6-5
Едмонтон ојлерс – ЛА кингс 3-2
Ванкувер канукс – Вегас голден најтс 3-4
