Фудбалерите на Манчестер јунајтед вчера во најголемото англиско дерби беа понижени од Ливерпул, на „Енфилд“ загубија со неверојатни 7:0, по што менаџерот на Црвените ѓаволи, Ерик тен Хаг, денеска ги казни своите играчи.
Тен Хаг уште во соблекувалната по натпреварот им порачал на фудбалерите дека треба да бидат среќни што се враќаат во Манчестер со клупскиот автобус, а не со навивачите кои платија од свој џеб за да допатуваат во Ливерпул.
https://twitter.com/ManUnitedXtra_/status/1632806023571406854?s=20
Холанѓанецот исто така денешниот утрински тренинг го закажал за 9 часот, а тој самиот пристигнал во тренинг центарот уште во седум часот.
Кога фудбалерите пристигнале во тренинг центарот, Тен Хаг ги натерал да го слушаат славјето на фудбалерите и навивачите на Ливепрул и притоа им се заканил дека ќе ги испрати во вториот тим ако им се случи нешто слично уште еднаш.
