Македонската репрезентација за играчи до 21 година ќе има тешка задача да се пласира на Европското првенство во 2021 година откако денеска за противници ги доби Шпанија, Израел, Црна Гора, Казахстан и Фарски Острови.
Ова е составот на шестата група на патот кон континенталниот собир за три години во Унгарија и Словенија.
Натпреварите ќе почнат на 18-ти март следната година, а ќе завршат на 13-ти октомври 2020 година.
Коорганизаторите Унгарија и Словенија имаат директен пласман на шампионатот, а ќе им се приклучат деветте победници на групите и една селекција која ќе биде второпласирана и потоа најдобра во бараж-дуелите.
