Тетекс со 2-0 оствари сигурен триумф против Генч Калемер во 9. коло од македонската Втора лига. Тетовци стигнаа до само втората победа сезонава, а за трите бода погодија Косев во 38-тата и Салији во 75-тата минута од средбата.
Пелистер триумфираше со минимални 1-0 против тимот на Скопје, благодарение на голот на Главевски во 66-тата минута. Битолчани со оваа победа излегоа од црвената зона на табелата на Западот, сега имаат 11 бода.
Гостивар и Кораб ремизираа при конечни 1-1, додека и на мечот Влазрими – Лабуништа немаше победник, во ремито без голови.
