Фудбалската репрезентација на Бугарија вчера допатува во Грузија, каде утре ќе го игра во Тбилиси против домашната селекција. Пристигнувањето на бугарската експедиција беше проследено со тежок инцидент, односно сообраќајна несреќа.
#BREAKING The buses of the 🇧🇬 Bulgarian national football team crashed into each other after leaving the airport in Tbilisi.
A Bulgarian player Todor Nedelev was reportedly hospitalized. pic.twitter.com/wSWyCYrFiC
— Visioner (@visionergeo) June 10, 2022
Гостите од Бугарија биле поделени во два автобуси кои се движеле еден позади друг со голема брзина во присуство на полицијата. Во еден момент првиот автобус морал нагло да заккочи поради автомобилот кој се појавил пред него, а во тој момент возачот од вториот автобус немал доволно време да закочи, па се удрил во автобусот пред него.
Сударот бил толку силен што бугарскиот репрезентативец Тодор Неделев заработил сериозни повреди на главата и лицето од удар во прозорот. Неделев со крв на главата бил пренесен во болница, а првичните информации се дека има потрес на мозокот.
Полицијата во Тбилиси започна истрага за тоа како се случила оваа сообраќајка.