Спортистите од клубот Барселона, од спортовите кои се играат во сала (кошарка, ракомет, футсал и хокеј на ролери) прифатија да добиваат помали плати, но фудбалерите кои се убедливо најплатени, не сакаат кратење на нивните милионски примања.
Преговорите на управата на Барса со фудбалерите се во тек, и се чини дека неизбежно е да дојде до намалување на платите, но треба да се одлучи колку проценти ќе биде кратењето, па сега е период на „ценкање“. Раководството е разочарано, мислеле деа преговорите со фудбалерите ќе течат полесно.
Кошаркарите, ракометарите, футсалците и хокеарите на Барса веднаш рекоа дека во овие моменти здравјето е на прво место и беа солидарни со тие што се загрозени.
