Атлетико Мадрид славеше со 2:0 на гостувањето кај Елче во рамките на 36-тото коло од шпанската Ла Лига.
„Јорганџиите“ со овие три бода дојдоа на чекор од потврда на настап во Лигата на шампионите, а головите беа дело на Матеус Куња во 28-мата и Родриго де Пол во 62-рата минута. Интересно е тоа што на голот на Куња му претходеа дури 14 пасови, што за Атлетико е навистина реткост, а тоа се случува првпат сезонава.
Тимот на Диего Симеоне сега има 67 бодови, односно шест повеќе од петтопласираниот Бетис, но има подобар меѓусебен дуел, па затоа и си обезбеди настап во најелитното клупско натпреварување.
14 – There were 14 passes in the build up to Atlético de Madrid’s goal against Elche, scored by Matheus Cunha 🇧🇷 – the longest passing sequence leading to a Atlético goal in LaLiga this season. Patience. pic.twitter.com/qpD6kEN72f
— OptaJose (@OptaJose) May 11, 2022