Еден од најголемите таленти на денешницата, Педри, уште еднаш восхити со своите игри во дресот на Барселона. Иако има само 19 години, Педри веќе е незаменлив на својата позиција во каталонскиот гигант.
На синоќешниот дуел против Атлетик Билбао, Барселона победи убедливо со 4:0, а Педри иако не беше меѓу стрелците и асистентите, направи потег за памтење. Младиот играч за врска го имаше можеби најдобриот дриблинг сезонава откако успеа на атрактивен начин да го помине противничкиот играч, и тоа покрај самата аут-линија.
Свртен со грб, покрај аут-линијата, Педри успеа со петица да ја протне топката низ нозете на противникот, а дефанзивецот на Атлетик Билбао, Микел Балензијага, остана немоќен по маестралниот потег на тинејџерот.
https://twitter.com/i/status/1498052716194680835