Тоше Зафиров во ритамот на „Ој, Вардаре македонски“ стигна до блескаво злато (Видео)

Македонскиот бодибилдер Тоше Зафиров оствари блескав резултат откако стигна до златниот трофеј и првото место на натпреварувањето „Будимпешта про“. За Зафиров ова е остварување на еден голем сон. По повеќе од 20 години напорно работење, вежбање, натпреварувања, македонскиот бодибилдер стигна до тронот, го освои златниот медал и трофејот за најдобриот.

„Конечно го остварив својот сон. Цели 23 години кариера напорно работам и сонував за првото место. Тој мој сон конечно го остварив. Освоив златен медал на едно големо натпреварување и сум презадоволен“, вели Зафиров.

Најдобрите секогаш одат со најдобрите, па Зафиров вообичаено ја имаше поддршката и од Sport Life обложувалниците, кои секогаш знаат да препознаат шампионски амбиции какви што ги има Тоше.

На натпреварувањето во Будимпешта учествуваа натпреварувачи од повеќе од 20 земји, а Тоше беше најдобар. При презентацијата, Тоше одбра тоа да биде во ритамот на легендарната песна „Ој, Вардаре Македонски“, а на бината беше развеано и знаме на „Комитите“.

„Едноставно немам зборови, моја прва голема професионална победа, мое прво професионално злато. Оваа победа им ја посветувам на нашите херои, ракометарите на РК Вардар, коишто срце и душа оставија на теренот, на најдобрата навивачка група на цел свет Комити, на „Некст тајм“ за прекрасната преработка на „Ој, Вардаре” и на целиот македонски народ без разлика на верската и етничката припадност. Ви благодарам од срце на сите“, напиша на својот фејсбук-профил Зафиров.

Освен Тоше, одличен настап имаше и неговата сопруга Габриела. Таа успеа да освои злато во категоријата „фитнес бикини модел“, а беше второпласирана во категоријата „спорт модел“.

Следниот предизвик за Тоше и неговата сопруга Габи е настапот на Отвореното првенство на Словенија про. Тие утре патуваат кон Словенија во обид да стигнат до нови големи успеси.