Бура од реакции по социјалните мрежи предизвика едно допаѓање на Франческо Тоти. Легендата на Рома кликна „лајк“ на инстаграм-објавата на Костас Манолас, кој по победата од 4-0 над Рома, напиша „Голема победа, секогаш напред Наполи!“.
Фановите на Римската волчица се лути, зачудени и се прашуваат зошто на некогашниот капитен, кој во целата кариера играше за Рома, му се допаѓа објавата на Гркот, кој исто така е поранешен член на Џалоросите и три сезони играше заедно со Тоти.