Хилберто Ернандес, фудбалскиот репрезентативец на Панама, е убиен во неделата, во татковината, и тоа по престрелка.
Според медиумите во Панама, 26-годишниот Ернандес е убиен откако непознати напаѓачи почнале да пукаат кон поголема група луѓе во која бил несреќниот фудбалер, кој е единствен што го загубил животот, додека неколку лица се пренесени во болница.
Првичните информации се дека две непознати лица со такси пристигнале на местото на злосторството и започнале да пукаат врз луѓето.
Еднандес во март годинава дебитираше за репрезентацијата на Панама во мечот против Гватемала, а во вториот меч за националниот тим ја имаше честа да го чува Лионел Меси во дуелот против Аргентина (2:0), но не успеа во задачата бидејќи Меси постигна гол во 89-тата минута.
Тој беше член на панамскиот Атлетико Индепендиенте.
