Македонската сениорска репрезентација претпладнево ги продолжи подготовките за претстојните два натпревари од квалификациите за ЕП 2020 против Австрија на гости (16 ноември, стадион „Ернст Хапел“, Виена) и Израел (19 ноември, Национална арена „Тодор Проески“, Скопје).
Александар Трајковски е оптимист дека Македонија може да освои бодови на овие две средби.
– Сè додека имаме шанса, ќе се бориме до крај. Ова е добра можност да покажеме дека поразот на домашен терен од Австрија не ја покажува реалната слика и односот на силите меѓу двете репрезентации. Мислам дека сме добро подготвени и одиме да го дадеме нашиот максимум на теренот во Виена. Најважно е сега да се обидеме да ги добиеме овие два натпревари, да се покажеме во најдобро светло, а потоа ќе размислуваме на мартовскиот предизвик од Лигата на нациите. Во изминатиот период игравме и со послаби и со поквалитетни репрезентации и сметам дека покажавме дека можеме да се носиме со која било селекција“, изјави Трајковски.