Панатинаикос слави 101 година постоење на кошаркарскиот клуб, а забавата во Атина ја расипа ЦСКА Москва со брилијантна партија баскет и победа против најстариот грчки клуб со 97:66.
Гостите апсолутно доминираа и потсетија дека се актуелни европски прваци, а неизвесност во „Олимписката сала“ во Атина немаше.
ЦСКА доби три од четирите четвртини, втората заврши нерешено, 16:16, а ова е еден од најтешките порази на ПАО на домашен терен.
Дарун Хилард беше најефикасен на мечот со 21 поен и ги предводеше шампионите до убедлива победа. Мајк Џејмс постигна 18 поени.
Кај Панатинаикос само Томас Дешон со 12 поени и Ник Калатес со 10 беа двоцифрени.
Претходно уште една руска екипа, Зенит, славеше победа со 76:75 против Жалгирис по продолженија. Во тек се мечевите меѓу Реал и Асвел, односно Валенсија со Милано.