Управата на Унион Берлин и тренерот Урс Фишер спогодбено го раскинаа договорот, со што заврши најуспешната ера во историјата на германскиот бундеслигаш.
Унион Берлин, кој минатата сезона беше вистински хит во Германија и обезбеди пласман во Лигата на шампионите, сезонава игра очајно и во 16 меча во сите натпреварувања оствари само две победи, едно реми и дури 13 порази, од кои девет беа во низа.
🚨⚪️🔴 Union Berlin have sacked the manager Urs Fischer. It happens after 13 defeats, 1 draw vs Napoli and only 2 wins this season. pic.twitter.com/F1hKk7XvuH
— Fabrizio Romano (@FabrizioRomano) November 15, 2023
Унион Берлин моментно се наоѓа на последното место на табелата само со шест освоени бода, а во Лигата на шампионите по четири кола, освои само еден бод.
Фишер на клупата на Унион Берлин седна во 2018 година и веднаш во првата сезона го внесе тимот во Бундеслигата. Во сезоната 2020/21 обезбеди пласман во Лигата на конференции, наредната во Лигата на Европа, а минатата сезона и во Лигата на шампионите.
