Тренерот на Катанија Џузепе Рафаеле доби четири меча суспензија поради стартот врз противнички играч за време на мечот против Вибонезе во рамките од Серија Ц во Италија.
Инцидентот се случи во 91 минута. Играчот на Вибонезе успеа да освои една топка покрај аут линијата и тргна во контра напад за израмнување на 2:2. Играчите на Катанија беа далеку од топката, но блиску беше нивниот тренер Рафаеле. Стратегот инстиктивно реагираше и влезе на теренот, успевајќи да му ја шутне топката на противникот и да ја сопре контрата на гостите.
Главниот судија без многу размислување му даде црвен картон на Рафаеле, а на крајот Катанија успеа да ја задржи предноста од 2:1 и да ги освои трите бода. Необичната ситуација може да ја погледнете ТУКА.
