Македонскиот репрезентативен фудбалер, Иван Тричковски, беше стрелец на единствениот гол на средбата на која АЕК Ларнака како гостин ја совлада Докса со 1-0, во меч од кипарскиот шампионат. За Тричковски кој е капитен на АЕК, ова е 18-ти гол сезонава за кипарскиот тим. Во противничката екипа од Никозија, цел меч одигра Душко Трајчевски.
Во моментов, АЕК е петти на табелата и тоа за нив значи плејоф и разигрување за титулата, а Докса е последна ќе се бори за опстанок во плејаут лигата. Од нашинците на Кипар, таму е и Давор Здравковски, чиј тим АЕЛ Лимасол одигра 1-1 со Омонија.
