Во 13-тото коло на Спортска прогноза и последно на клупски план пред стартот на Мундијалот во Катар, еден натпреварувач имаше сериозни шанси за да погоди комплетна Тринаесетка, но кобни беа два дуели во Серија А во Италија.
Горан Н. одигра извонредно и погоди 11 натпревари, но не успеа точно да ги предвиди конечните исходи на два дуели од Калчото.
Ја промаши двојката на Сампдорија – Лече, каде што има типувано единица и триумфот на Болоња против Сасуоло, а тука чекаше реми.
Сепак, и за две утки има награда за победникот во ова коло и Горан Н. ќе добие ваучер од Sport Life во вредност од 500 денари.
Се вжештува и битката во Генералниот пласман, а лидерот Зоран Т. води со 92 поени и е најблиску прв да ја пробие границата од 100 поени.
Во топ-10 разликата е само 7 поени од првиот до десеттиот, што најавува битка до последен здив за вредните подароци, кои Sport Life и Спорт Манија ќе ги доделат по завршување на петтата сезона на бесплатната игра.
