Фудбалерите на Борусија Менхенгладбах прифатија да им се намалат платите со цел да им се помогне на вработените во клубот да го минат тешкиот период и кризата во планетарната битка со Коронавирусот.
Во клубот има двајца вработени што беа позитивни на тестот за вирусот, кои според зборовите на двајцата директори Стефан Шиперс и Макс Еберл се чуствуваат добро.
„Разговаравме со играчите за состојбата, која е најкритична откако постои Бундеслигата. Веднаш иницираа акција за помош на сите вработени во клубот и прифатија да им помогнат со откажување од дел од платите што ги имаат во клубот. Загубите што ги трпиме со прекинот на првенството се огромни, но покажавме дека сме солидарни и сплотени и во тепки времиња. Фудбалерите покажаа дека имаат силен какатер и оргомно срце“, велат Шиперс и Еберл.
Загубите на клубовите во Бундеслигата се огромни и веќе се мерат со стотици милиони евра, поради неиграње на натпревари.
Само како за пример Шиперс и Еберл наведуваат дека сите објекти на Борусија, како што се фан-шопови, спортскиот бар, хотелот… се затворени за посетители, а најголемиот удар е што нема пари од ТВ правата, маркетингот и влезници за мечевите од Бундеслигата.