Македонскиот фудбалски првак Струга Трим Лум се подготвува за дуелот против Жалгирис во квалификациите од Лигата на шампионите. Првиот дуел се игра на гости во Литванија на 11 јули, а реваншот е закажан следната недела на стадионот „Билјанини извори“ во Охрид.
За дуелот во Охрид веќе започнаа да се продаваат билетите и тие изнесуваат по 1.200 денари.
Според цената на билетите, ова е една од најскапите карти за европски дуел на еден македонски клуб. Поскапи карти продаваше Вардар за дуелот против Фенербахче во 2017 година, но и оваа сума од речиси 20 евра за еден билет е прилично скап билет за еден дуел на македонски тим во европските купови.
Сепак, челниците на Струга ТЛ решија дека со секој купен билет ќе се добие и маичка од тимот.
