Кошаркарите на Црвена ѕвезда не се ни испотија за да дојдат до убедлива победа над Борац од Чачак во јадранската АБА лига. „Црвено-белите“ од Белград славеа лесно и убедливо со 90-74 и само ја зацврстија лидерската позиција пред конкуренцијата.
Победата беше најавена уште во првата четвртина која ја добија домашните со убедливи 35-18, но следуваше опуштање во вториот период, па на паузата заминаа со предност од само седум поени разлика, односно 51-44.
Рутинската игра на Црвена ѕвезда продолжи и во второто полувреме, а домашните ги добија и последните два периоди за висока победа од 90-74. Бразилецот Матеус од победничката екипа беше најефикасен на паркетот со 24 поени.
Црвена ѕвезда со оваа победа дојде до ефект од 14 победи и само два порази во АБА лигата и е убедлив лидер.