Екипата на Црвена ѕвезда втора година по ред ќе игра во групната фаза на Лигата на шампионите откако во плејофот со вкупен резултат од 3-2 го елиминира составот на Бодо/Глимт.
Раководството на Црвено-белите одлучи да доведе две нови засилувања за дуелите со европските великани. Нови фудбалери на Црвена ѕвезда се Раде Круниќ и Немања Радоњиќ.
Круниќ е репрезентативец на Босна и Херцеговина, а во Белград доаѓа бесплатно од Фенербахче, но турскиот гигант ќе има 50% од неговиот следен трансфер. Радоњиќ е репрезентативец на Србија, а во Црвена ѕвезда доаѓа од Торино, откако минатата сезона ја мина на позајмица во Мајорка. Она што е интересно, Црвено-белите во 2017 го купија Радоњиќ за три милиони евра од Рома, а само една година подоцна му го продадоа на Марсеј за 12 милиони евра.
