Секој ден станува сè понеизвесна судбината на Челзи откако Британската влада го санкционира Роман Абрамович.
Сè што имаше Русинот на Островот е „замрзнато“, па така и Челзи, којшто е еден од најсилните тимови во Англија. Тренерот Томас Тухел даде интересна изјава по победата на неговиот тим над Њукасл.
„Ни кажаа дека имаме обезбедено авион, а доколку се појават проблеми, тогаш ќе патуваме со воз, а секако дека го имаме и нашиот клупски автобус.
Но, ако и со тоа ни биде забрането да патуваме, тогаш јас ќе сместам седуммина играчи во мојот автомобил и ќе ги однесам во Франција“, изјави Тухел.
Реванш-средбата меѓу Лил и Челзи се игра во среда, од 21 часот, а тимот од Лондон има предност од 2:0.