Европската фудбалска унија, УЕФА, потврди дека ќе дозволи одложените мечеви од англиската Премиер лига да се играат во деновите кога ќе се играат осминафинални натпревари од Лигата на шампионите.
За еден месец во Англија беа одложени 18 меча од елитната лига, и тоа направи голем проблем во густиот календар.
УЕФА не дозволува мечеви од најсилните лиги да се совпаднат во ист ден кога се играат европски купови, но овојпат ќе направи исклучок.
