УЕФА ги номинираше тројцата фудбалери кои ќе бидат во најтесниот избор за признанието најдобар играч во Европа за минатата сезона, а тоа се Роберт Левандовски и Мануел Нојер од Баерн Минхен како најзаслужни за титулата во Лигата на шампионите, како и Кевин де Бројне од Манчестер сити, кој се истакна со асистенции.
Голем фаворит за освојување на наградата е Полјакот Левандовски, кој ќе биде фаворит и изборот на ФИФА за најдобар играч на светот во 2020 година. Прогласувањето на најдобриот ќе се случи на 1 октомври во Нион, кога ќе се влече ждрепката за групната фаза од Лигата на шампионите.
Според гласовите, во Топ 10 влегоа и Меси, Нејмар, Милер, Мбапе, Тијаго Алкантара, Кимих и Кристијано Роналдо. УЕФА го бира најдобриот врз основа на игрите во домашните натпреварувања и европските купови. Гласаат тренери (80 тренери од тимовите кои играа во групите во ЛШ и ЛЕ) и новинари (по еден од секоја земја од 55-те членки на УЕФА).