Европската фудбалска асоцијација (УЕФА) официјално го надмина прагот на приходи од пет милијарди евра, благодарение на проширувањето на своите најпрестижни клупски турнири со нов формат на групна фаза и нови, многу профитабилни договори за ТВ права за периодот 2024-2027 година, објави телевизија Блумберг .
Финансиските анализи за сезоната 2024/25 покажаа дека вкупните приходи надминале пет милијарди евра, што е зголемување од 737 милиони евра во споредба со сезоната 2023/24, без приходите од Евро 2024.
Нион се радува на успехот на „моделот 2024-2027“, како што се нарекува зад сцената, бидејќи новиот формат за Лигата на шампионите, Лигата на Европа и Конференциската лига го зголеми вкупниот број на натпревари, што доведе до огромно зголемување на медиумските права, кои пак сочинуваат 81% од вкупните приходи.
Секое од трите европски натпреварувања сега има 36 екипи во главната фаза, при што секој тим игра осум натпревари против случајно извлечени противници во првите два – четири дома и четири на гости – и шест натпревари во Конференциската лига. Потоа се гледа конечната табела според освоените бодови и гол-разликата, па се знаат екипите кои продолжуваат во нокаут-фазата.
УЕФА очекува вкупен приход од 5,1 милијарди евра за финансиската 2026/27 година, последната година од тековниот циклус на машки клупски натпреварувања.
