Емерсон Кариока имаше бизарна прослава на победничкиот гол за Сампајо Кореја во меч во Бразил против Марика, се соблече гол и го предизвика бесот на противничките играчи и навивачи. Натпреварот се играше во декември, а казната за Емерсон е 8 меча суспензија.
Со неговиот погодок Сампајо Кореја победи со 2:1 на гостински терен и се пласира во шампионатот Кариока. Играчот што се презива како и лигата во која игра погоди во 95-тата минута, а потоа збесна и направи глупост.
„Навивачите на противничкиот тим ми се закануваа, ме нарекуваа дебел алкохоличар, дури имаше и закани дека ќе ме средат, што дополнително ме изнервира. Им се извинувам на сите во мојот клуб и на симпатизерите што постапив неодговорно“, изјави Кариока.
Сепак, Бразилската фудбалска федерација немаше милост и Емерсон нема да игра на 8 натпревари за својот тим. Двомечот против Марика беше жесток, особено реваншот што беше клучен за вкупна победа од 2:1 на Сампајо Кореја и имаше дури пет исклучувања. Црвен картон доби и Емерсон Кариока по бизарната самба што ја одигра гол на теренот на противникот.
