Ултрасите на ПСЖ не можат на стадион, го окупираа центарот на Париз (Видео)

Навивачите не може да бидат на стадион на дел од реванш-мечевите во Лигата на шампионите, но сепак не се откажаа во намерата да им пружат поддршка на своите миленици.

Вчера грмеше пред „Месталја“, каде што илјадници навивачи на Валенсија дојдоа да ги бодрат играчите на реваншот против Аталанта, а денеска слично е сценариото во Париз.

Ултрасите на Пари Сен Жермен нема да можат да влезат на „Паркот на принцовите“ поради опсаност од ширење на Коронавирусот, но затоа се собраа во центарот на Париз за да им испратат порака на Мбапе, Нејмар, Икарди и дружината дека се со нив и очекуваат елиминација на Борусија Дортмунд, иако Германците допатуваа со предност од 2:1 од првиот меч.

Дуелот ќе се игра од 21 часот, исто како и Ливерпул и Атлетико Мадрид, но на „Енфилд роуд“ ќе се игра со публика.

 

- Оглас -

Најнови вести