Баер Леверкузен долго се мачеше да ја оправда улогата фаворит против Унион Берлин во меч од германскиот куп, но сепак успеаја да се пласираат во полуфиналето со победа од 3:1.
Со три гола во последните 20 минути домаќините го елиминираа незгодниот ривал. Полуфинале за Фармацевтите најави Белараби со гол за израмнување во 72-рата минута, а потоа прецизни беа и Арангиз и Дијаби.
Унион Берлин имаше предност од 1:0 по првиот дел со погодокот на Ингвартсен, а клучен момент што придонесе да бидат елиминирани беше исклучувањето на Ленц во 71-вата минута. Веднаш во следниот напад Баер израмни, а потоа апсолутно доминираше и успеа да им се приклучи на Баерн и на Сарбрикен во полуфиналето на популарниот ДФБ покал.