Унион Берлин не им се плаши на фаворитите и по победите против двете Борусии, вечерва приреди уште една сензација со триумф во Франкфурт против Ајнтрахт со победа од 2:1.
Гостите, кои за првпат во својата историја играат во Бундеслигата, со иста мерка им се реваншираа на популарните Орли за поразот во првиот дел со 1:2.
Изненадувањето го најави Андерсон со гол во 49-тата минута, а за подвиг се погрижи домашниот дефанзивец Н`Дика со автогол во 67-мата минута.
И единствениот погодок за домаќините беше автогол, овојпат на Хубнер во 79-тата минута. Со оваа победа Унион го прескокна Ајнтрахт на 10-тата позиција со 29 бода, еден повеќе од тимот од Франкфурт.
